BUKU TERBITAN 2008 (2)

Buku "Engkel Sipature Nasega" berisikan cerita-cerita yang membuat Anda yang mengerti bahasa Batak tertawa --dan semoga juga dapat mengubah kehidupan.

SALAH SATU CONTOH ISI BUKU INI:

MALUA SIAN 7 J

Dung marpungu angka situan natorop i, dipungka sahalak pandebisuk ma paingothon nasida. “Adong 7 J sipasidingonta, asa dame roha, ripe, huria dohot masyarakat”, ninna. Tarpaima do situan natorop umbege aha do na 7 J na nidokna i.

Parjolo, Jogal.
Ia halak na jogal, i ma na so siat hata. Tung manang ise mandok hata ndang ditangihon: hula-hula, pangituai, nang pangula ni huria pe. Tarsongon jagal rupani, nunga 3 jom dilompa sai tong songon ban ni motor ndang tarharat.

Dua, Jugul.
Halak na jugul, ndang taroraan. Sai dituntun lomona nang pe naeng tu hamagoan. Unang sai tuhori hamu togel i, parmaraan do sian i ningon, alai sai didatdati. Tu gareja pe ibana marminggu sai tu togel rohana. Diida nomor ni ende godang nomor 2, anggo rohana mandok, “songon na godang angka 2 di ende on, kode alam do ra on”, i do dohonon ni i.

Tolu, Jungkat.

I ma halak na so las rohana marnida na denggan. Sai segaan ni i do i. Denggan bangku ni gareja dohot dinding, sai disurati jala digorgai ma i. Diida suan-suanan ni halak ramos marparbue, dangguranna ma i.

Opat, Jumarojor.
Tung manang aha dijama, sega. Tolu piring dibasu, 2 maropuk. Dipinjam sepeda motor, tingki diboan denggan dope, alai dung mulak dionjar-onjar nama so boi be mangolu masinna.

Lima, Jungking.
Na maol do pangkulingan na songon on. “Horas amang boru,” ningon rupani huhut tarserom iba ala burju ni roha mamanghulingi. “Sian dia dalanna amangborum ahu, ndang hea hualap namborum,” manigor songon i do dohonon ni i songon na bais panghulingna.

Onom, Jorngang.
Ia na jorngang, sai holan hata baraksi do hata ni on. Maol do begeon hata na denggan sian i mamungka sian ari Senen tu ari Sabtu. Ari Minggu mansohot ma hajorngangonna, ndang ala na tu gareja ibana, ala na modom do ibana sadarina i. Ra, nipi ni i pe tong do jorngang .

Pitu, Jengjeng.
On ma halak na sai lomo rohana manggorgori roha ni donganna. Sai manjungkiti ma hata ni i. Diida rupani mamolus motor bus ni par-Doloksanggul, “Ei, siallang hoda,” ninna i ma rupani. Di angka rapot pe sai songon i do i mamingkasi parsalisian. Molo dung muruk donganna, mansai las ma rohana, ai dietong nunga marhasil ibana.

“Sada J pe sian na pitu on masa di tonga ni jabu, punguan manang huria, nunga mansai borat panghorhon ni i, lamu boha ma molo marpungu na pitu i. Ro ma J na paualuhon, i ma JEA”, ninna pande bisuk i paingothon.

Molo hita siihuthon Tuhanta, ia J na pamalum na 7 J i ma JESUS. Tangkas ma taoloi nuaeng joujou ni Tuhanta i tu hita be na mandok, “Sai mian dibagasan Ahu ma hamu, songon Ahu mian dibagasan hamu! Songon ranting i, na so tarbahen marparbue anggo sian dirina, anggo so mian di hau anggur i; laos songon i hamu, anggo so mian dibagasan Ahu hamu” (Joh. 15:4).

Catatan:
Setelah membaca kamus Bahasa Batak, ada satu J lagi yakni: Jubajabi = besar mulut, sigodang hata.

=============================

Buku-buku Pdt Victor Tinambunan yang lain yang sudah terbit:

1. Bergereja dan Berteologi dalam Konteks Indonesia (2001)
2. Renungan Seputar Kehidupan Keluarga dan Masyarakat (2003)
3. Menjadi Gereja Pro-Kehidupan (2004).
4. Gereja dan Orang Percaya: Oleh Rahmat Menjadi Berkat (2006).
5. Bohal ni Parhalado Dohot Ruas ni Huria (2006).
6. Apa Yang Kamu Cari? (2008).
7. Harta Benda: Berkat Atau Beban (bersama Dr D.L. Baker)
8. Berkomunikasi dengan Hati (2009)